Web Hosting by Netfirms | Free Domain Names by Netfirms

ПРОМОЦИЯ НОВИХ ВИДАНЬОХ

У рамикох манифестациї 17. Днї Миколи М. Кочиша, 2007 у орґанизациї Дружтва за руски язик, литературу и културу, у Музею Войводини 14. децембра 2007. року на 13 годзин отримана промоция кнїжки

Любомира Медєша:

РУСКА ТРАДИЦИЯ

На промоциї вжали учасц Ирина Папуґа, Йован Паунович, др Душан Дрляча, Михайло Горняк, др Любивоє Церович и мр Гелена Медєши.
Стихи Миколи М. Кочиша: Руска твердиня – читал Златко Рамач, а стихи Любомира Медєша: Дзеци бачко-сримскей мацери и Нєборак на нєбосклонє Мирослава Чордаш Даждиу.

О авторови:

Любомир Медєши (Руски Керестур, 12. априла 1949), етнолоґ по фаху, роками виглєдує и обявює прилоги о руским язику, музичней творчосци, конопарстве, руских свадзебних обичайох, демоґрафских обставинох, фолклору и културней традициї Руснацох. Як сотруднїк велїх наукових и фахових здруженьох и часописох, учашнїк на конґресох и других сходох з обласци етнолоґиї и националней историї, Любомир Медєши збогацовал свойо теорийне и практичне искуство, та предкладанє же би ше у едициї Дружтва за руски язик, литературу и културу Одняте од забуца як дзешата по шоре видала його кнїжка под назву Руска традиция, дзечнє прилапене. (Любомир Медєши члан Дружтва за руски язик и литературу oд 1974. року, у мат. кнїжки Дружтва уписани є под числом 12, бул пияти по шоре предсидатель Дружтва 1982-1984).

Библиоґрафия Любомира Медєша облапя понад 100 (115) єдинки, походзаци од першого напису 1971. року, по актуални теми зоз хторима ше тих, 2000-тих рокох стрета у далєким америцко-канадским штредку. Любомир Медєши тераз жиє у Канади, алє нашо контакти и сотруднїцтво остали исти та так и витворени вецей рецензиї виданьох Дружтва, а тераз виходзи и вибор його роботох у кнїжки як цалосц. Дружтву, як издавательови окремне мило же тото виданє представене у Музею Войводине, у хторим Медєши 70-80 рокох робел як етнолоґ.