ДРУЖТВО ЗА РУСКИ ЯЗИК, ЛИТЕРАТУРУ И КУЛТУРУ

Лїшка допивала лєвици же ридко родзи мали, а и кед родзи та по єдно.
Лєвица на тото гвари:
- Алє кед родзим, та родзим лєва!

Деян Надь, VI а
Деян Надь, VI а
Основна школа „Петро Кузмяк ”, Руски Керестур
Наставнїк руского язика: Ксения Варґа

Обидвоме Деянове маю исте презвиско, исте мено, оцове им маю исте мено, а школяре ходза до
истого оддзелєня. Розликую ше по фарби власох, та єдного вола Чарни, а другого Били (К. Варґа).

Пес и когут II награда

Пес Бундаш часто оганял кури по дворе. Ґаздови ше то нє пачело, та Бундаша завязал на ланцущок. Бундаш нє могол оганяц кури, та по цали дзень на нїх брехал. Когутови Феркови ше пачело же пес нє оганя його кури, та ше му так видрижньовал:
- Так ци и треба, пшиску. Тераз кури мойо, а я можем шлєбодно гребац по гумнє док ти на ланцу завиваш!
Пес на тото одвитовал:
- Чекай лєм. Когуту, увидзиме же цо будзе на ютре.
Ютре дзень ґаздиня уварела полудзенок и дала Бундашови косци з когута Ферка.

Михайло Бесерминї, VI а
Основна школа „Петро Кузмяк ”, Руски Керестур
Наставнїк руского язика: Ксения Варґа

Лїшка и сова II награда

Лїшка ше вилєговала на цеплим слунку кед коло нєй пребегла преплашена миша. Такой за ню прилєцела сова и опитала ше:
- Кумо лїшко, видзела ши єдну шиву мишу як бежи. Кадзи пошла?
- Знаш, мудра сово, видзела сом. На тот бок одбегла.
Лїшка указала погришни бок сови, причекала най ше оддалї, а сама понагляла влапиц и поєсц мишу.
Кед ше спущела ноц, ловаре пошли до лєса на лови и глєдали лїшку. Преплашена лїшка ше питала сови:
- Видзиш ловарох, мудра сово?
- Видзим, кумо лїшко. На тим боку лєса су. Сцекай тадзи.
Лїшка послухала сову и улєцела просто под пушку ловарох.
Сова стрепала з кридлами и одлєцела.
- Як ти мнє, так я тебе, кумо лїшко.

Ксения Еделински, V ²
Основна школа „Йован Дучич” Петроварадин
Наставнїк руского язика: Мария Бесерминї

Два кози II награда

Стретли ше два кози на узкей драги. Над драгу була висока стина як мур.
Под нїма глїбока долїна. Задумали ше кози цо им треба зробиц.
Нє могли ше обрациц же би ше врацели одкадз ше рушели. Прето єдна лєгла и випросцела ше по жеми, а друга помали прешла прейґ нєй.
Так обидва пошли живи и здрави по своєй драги.

Миня Саламун, I
Основна школа „Михайло Пупин”, Ветерник
Наставнїк руского язика: Мелания Сабадош

Лїшка и кура III награда

Стретли ше лїшка и кура при потоку. Обидва сцели пойсц на други бок.
Кура ше опитала:
- Придзеш и ти, лїшко, зо мну на други бок прейґ мосцика?
На тото лїшка одвитовала:
- Чом бим ишла так далєко на мосцик кед можеш лєм прескочиц? Ниа, так!
Лїшка розширела свойо длуги ноги и уж була на другим боку потока. Ище додала:
- Нач би ишла и ти, куро, так далєко кед можеш прескочиц так як и я!
На тото кура одвитвала:
- Лукава лїшко, можебуц мосцик далєко, алє волїм прейсц далєку, алє сиґурну драгу як спаднуц до потока и буц твоя вечера.
Кура єй то гварела и предлужела свою драгу ґу мосцику, а лїшка остала без вечери.

Наташа Сабадош, VI а
Теодора Бодянец, VI а
Основна школа „Петро Кузмяк ”, Руски Керестур
Наставнїк руского язика: Ксения Варґа

Два пси III награда

Мал раз єден ґазда два пси. Вше ше вадзели кед би требало подзелїц даяке єдзенє.
Єдного дня ґазда им дал за полудзенок вельку косц. Понеже кажди з нїх сцел лєм за себе, почали ше вадзиц коло того же чия будзе косц.
Перши пес гвари:
- То моя косц и нє дам ци ю. Ґазда перше мойо мено гварел кед нам ю руцел!
Други пес на то одвитовал:
- Алє я ю перши вжал!
Док ше вони так спричкали, случайно дрилєли косц набок. Надишла мачка, нацагла лабу
даскельо раз, прицагла косц ґу себе та гвари:
- Нє знаю гевти два пси же яке ше ми щесце ошмихло!

Яна Еделински и Марина Биркаш, VI б
Основна школа „Петро Кузмяк ”, Руски Керестур
Наставнїк руского язика: Ксения Варґа

ПОДОБОВО РОБОТИ

Предшколски возрост:
Награди:

1. Аня Суботич, Штефан Чакан: Квоково поуки курчатом, Дзецинска заградка „Пажичка” II
2. Петро Медєши, Штефан Чакан: Квоково поуки курчатом, Дзецинска заградка „Гвиздочка” I
3. Ана Медєши, Штефан Чакан: Квоково поуки курчатом, Дзецинска заградка „ Гвиздочка ”
4. Лука Кошарко, Штефан Чакан: Шпак и соловей, Дзецинска заградка „Пажичка” III
5. Марко Митрович, Штефан Чакан: Цверчок и пчола Дзецинска заградка „Пажичка”, Вербас

Вихователька руского язика: Геленка Сеґеди

Основна школа:

1. Мария Драґович, Основна школа „Петефи бриґада”, Кула
2. Єлена Чордаш, Основна школа „Петефи бриґада”, Кула II
3. Саня Полетанович, Основна школа „Петефи бриґада”, Кула
4. Душан Шишарица, Основна школа „Петефи бриґада”, Кула

Наставнїк руского язика: Мария Стрибер

СУБОТИЦА:

1. Демиян Паланчаи, Основна школа „Йован Микић”, Суботица
2. Славко Надь, Основна школа „Иван Ґоран Ковачич”, Суботица
3. Катарина Будински „Майшанки пут”, Суботица III

Наставнїк руского язика: Наташа Ґрунчич

НОВИ САД:

1. Яков Чизмар, Коритнявка и заяц, Основна школа „Доситей Обрадович”, Нови Сад
2. Ивана Чордаш: Медведжиков колач Основна школа „Бранко Радичевич”, Нови Сад
3. Марияна Венчельовски, Основна школа „Михайло Пупин”, Ветерник
4. Владимир Венчельовски, Основна школа „Михайло Пупин”, Ветерник
5. Александер Ґнип, Лєв и миша, Основна школа „Никола Тесла”, Нови Сад
6. Аня Гудак, Основна школа „Васа Стаїч”, Нови Сад I
7. Соня Гудак, Основна школа „Васа Стаїч”, Нови Сад
8. Мария Римар, Основна школа „Светозар Маркович Тоза”, Нови Сад

Наставнїк руского язика: Мелания Сабадош

НОВЕ ОРАХОВО / БАЧКА ТОПОЛЯ:

1. Урош Славчев, Основна школа „Чаки Лайош”, Бачка Тополя
2. Валентин Кишюгас, Основна школа „Чаки Лайош”, Бачка Тополя III
3. Инес Шайтош, Основна школа „Чаки Лайош”, Бачка Тополя
4. Срдян Ґовля, Основна школа „Чаки Лайош”, Бачка Тополя
5. Ервин Чордаш, Основна школа „18. октобер”, Нове Орахово
6. Александра Митич, Основна шола „„Чаки Лайош”, ”, Нове Орахово
7. Клаудия Ротшинґ, Основна школа „Чаки Лайош”, Бачка Тополя

Наставнїк руского язика: Сенка Славчев

* * *

Комисия за препатрунок и вибор роботох:
- литературни роботи: Штефан Гудак, писатель, Гелена Гафич Стойков, писателька и
Наталия Рамач, лектор
- подобово роботи: Биляна Роман, проф. подобови уметнїк