Сотруднїцтво Дружтва зоз дружтвами за язики и другима институциями

 

Сотруднїцтве зоз славистами-русинистами швета и руску дияспору, остатнїх рокох у меншим обсяу, алє маюци у огладзе скорейшу праксу сотруднїцтва, треба ше намагац на пошвидшованю тих активносцох: черанка публикацийох, участвованє на фахових сходох у иножемстве, поволованє на нашо науково-фахово сходи и програми, хаснованє сучасних електронских медийох (интернету...) за контакти итд.

 

                   

У Заводзе за културу Войводии                 Мултиязична прекладательна роботня                   На сайме кнїжкох у Беоґрадзе

Дружтво сотрудзує и намага ше отримац добри одношеня зоз другима дружтвами за язики, литературу и културу у рамикох Оддзелєня за нєвладово орґанизациї при Заводу за културу Войводини (Координацийни одбор дружтвох за язики чиї Дружтво член, дїйствує од 1974. року при КПЗ Войводини и облапя активносци 19 дружтвох чийо ше програмни активносци одвиваю на 12 язикох националних заєднїцох у Войводини) и з тим у вязи потримує виходзнє мултиязичного билтену "МОСТ", догварянє о статусних питаньох дружтвох, финансованю, орґанизованю заєднїцких виставох кнїжкох и других виданьох на саймох и салонох кнїжкох итд.

 

              

Мултиязични  билтен „МОСТ”

 

За роботу и унапредзенє язичних и литературних активносцох Дружтво достало вецей припознаня, медзи хторима награда "Искри култури" за 1980. рок, припознанє з нагоди означованя 250-рочнїци приселєня Руснацох 1995. року, Медзинародного дня мацеринского язика, 2005. року, а и вецей члени Дружтва ношителє значних припознаньох у обласци културу: Златна значка, Искри култури, Вукова награда итд.  

 

 

             

 

Припознаня и награди            

 

Початок :: Početak :: Home