 |
Web Hosting by Netfirms | Free Domain Names by Netfirms |
|
|
|
Програмна дїялносц Дружтва
Проєкти, програми, акциї и манифестациї
Дружтво реализує вецей образовни, културно-уметнїцки и подобово програми, медзи хторима:
1.„Днї Миколи М. Кочиша" ше реализую у сотруднїцтве зоз Мемориялним одбором „Микола М. Кочиш" при Заводзе за културу Войводини у Новим Садзе. Од 1989. року отримани три науково-фахово сходи (1993, 1998. и 2004. року), як и 16 програми дньох М. М. Кочиша у Новим Садзе и других руских штредкох.
Алея писательох на Городским теметове у Новим Садзе
Мирослав Антич, Миколи М. Кочиша, Ференц Фехер и Раде Обренович
2. „Стретнуца руских школох" ше отримую од 1994. року - перше стретнуце було у Бачинцох (1994), друге, треце и дзевяте у Руским Керестуре (1995, 1996. и 2003), штварте у Шидзе (1997), пияте у Бачкей Тополї и Новим Орахове (1998), шесте у Коцуре (2000), седме у Дюрдьове (2001), осме у Кули (2002), дзешате ювилєйне отримане у Бачинцох (2004), єденасте у Ґосподнїцох (2005), даванасте у Миклошевцох (2006), а тринасте ше планує у Новим Садзе, 2007. року;
3. У рамикох Мемориялного одбора проф. Гавриїла Г. Надя Дружтво руским просвитним роботнїком додзелює ше награду плакету зоз подобу проф. Гавриїла Г. Надя. Потерашнї добитнїки награди: Славка Сабадош (2003), Златица Сивч Здравич (2004), Мария Бесерминї (2005) и Сенка Славчев (2006);
Силвестер Макаї: Плакета проф. Гавриїла Г. Надя
4. Литературно-подобови конкурс "Др Мафтей Винай" Равнїно моя широка ше розписує од 2004. року, а о наградох (донациї) ше стара проф. Татяна Таґасович Винай дзивка др Мафтея Виная зоз Суботици;
Квеце на гробе др Мафтея Виная у Суботици Др Мафтей Винай
5. Як здогадованє на педаґоґийну роботу Славки Сабадошовей, найлєпшим новосадским школяром хтори пестую руски язик зоз елементами националней култури и школяром у место, у хторих ше отримую стретнуца руских школох додзелює ше припознанє зоз єй меном.
6. У Ґосподїнцох ше отримує подобова колония "Стретнуце у Боднарова" - за школярох од 2001 и за подобових уметнїкох од 2005. року. Отримани пейц подобово колониї за дзеци и два за уметнїкох. Роботи зоз колониї були виложени у наших штредкох
Петар Мояк: Стеван Боднаров, теракота
7. Дружтво у сотруднїцтве зоз компетентнима институциями образованя и рускима школами орґанизатор Републичного змаганя з руского язика. Отримани шейсц змаганя - перше и пияте було у Руским Керестуре (2000. и 2005. року), треце и шесте у Дюрдьове (2002, 2006), штварте у Коцуре (2004), дзе ше отрима и седме (2007).
8. Клуб подобових уметнїкох, хтори од 1996. року роби у рамикох Дружтва, видал 2003. року капитале дїло з обласци подобовей уметносци под назву Подобова творчосц Руснацох (лексикон), дзе заступени 122 подобово уметнїки, а орґанизовани и три колективни (заєднїцки) вистави (1997, 1998 и 2003), як и вецей самостойни авторски: Гелени Сивч, Владимира Колєсара, Гелени Канюх, Янка Чизмара, Мити Пушкарова, Силвестера Макая, Владимира Молнара, Милана Колбаса итд.
9. Подружнїци и секциї Дружтва по наших местох орґанизую литературни, подобово и други активносци: у Бачинцох (при основней школи) робя литературни секциї "Микола М. Кочиш" (по руски) и "Бошко Урошевич" (по сербски), у Новим Орахове литературна секция "Штефан Чакан", у Суботици манифестация "Яр др Мафтея Виная", у Шидзе литературна секция "Анґела Прокоп", а у планє и „Михайло Михал Ковач”, у Беркасове и Шидзе, ше пестує здогадованє на подобово уметнїци Надю Волчко и Ксению Страценски, у Бикичу означена 60-рочнїца рускей школи, у Сримскей Митровици основана секция зоз меном "Ани Ганчи Кнежевич" (2000), у Кули ше пестує творчосц др Гавриїла Костельника, чийо мено ноши и РКУД у тим городзе итд.
Промоция кнїжки Руснаци у Сримскей Митровици Кнїжки Националного совиту
10. Дружтво ше стара о означованю важних рочнїцох, датумох и манифестацийох з облаци руского яика, литератури и културного нашлїдства Руснацох, а тиж и о рочнїцох других народох и националних заєднїцох зоз хторима жиєме и твориме.
