ДРУЖТВО ЗА РУСКИ ЯЗИК, ЛИТЕРАТУРУ И КУЛТУРУ

1. Активносци наставнїкох руского язика у 2007. року:
- Записнїк зоз схадзки Актива 10.03.2007 и
- Звит о образовних активносцох у 2007. року;
2. Резултати школского змаганя з руского язика и язичней култури;
3. Осме републичне змаганє з руского язика и язичней култури; 17.05.2008. року у Р. Керестуре;
4. Штернасте стретнуце руских школох 7.06.2008. року у Вербаше и
5. Р и ж н е

У прилогу посиламе Записнїк зоз схадзки Актива наставнїкох, отриманей 10. марца 2007. року у Новим Садзе, Звит о образових активносцох на руским язику у 2007. року, Фахове упутство о орґанизованю и Календар змаганя школярох основих школох Министерства просвити Републики Сербиї за 2007/2008. шк. рок (фото-копиї вивод), хтори у цалосци обявени у додатку Просвитного преґледу, Беоґрад, 24-31.01.2008. року, зоз допольнєньом, тиж у Просвитним преґледу, од 14.02.2008. року, 16. бок и прияви за змаганє.
Модлїме же бисце вжали учасц на схадзки, як и же би драгово трошки наставнїком по можлївосци зношели школи.

За Основну школу и ґимназию
„Петро Кузмяк”, Руски Керестур
Янко Хома, в. р.
За Актив наставнїкох руского язика
Мелания Сабадош, в. р.
За Дружтво за руски язик, литературу и културу
Ирина Папуґа

записнїк

* * *

ЧЛАНОВИМА АКТИВА НАСТАВНИКА РУСИНСКОГ ЈЕЗИКА

Позивамо вас на седницу Актива наставника русинског језика која ће се одржати 5. aприла 2008. године (субота), у 11 часова у Основној школи и гимназији "Петро Кузмјак" у Руском Крстуру, Русинска 63.

З А П И С Н Ї К

зоз схадзки Активa наставнїкох руского язика, отриманей 5. априла 2008. року у Основней школи и ґимназиї „Петро Кузмяк” у Руским Керестуре

На схадзки участвовали наставнїки и професоре: Ксения Варґа, Ксения Шовш и Каролина Джуджар (Руски Керестур), Снежана Шанта (Коцур), Мария Самарджич и Весна Кухар (Дюрдьов), Мелания Сабадош и Мария Бесерминї (Нови Сад), Славица Мали (Вeрбас), Мария Стрибер (Кула), Сенка Славчев (Нове Орахово-Бачка Тополя), Наташа Макаї-Мудрох (Господїнци). Одсуство оправдали: Златица Сивч Здравич (Шид, Бачинци, Беркасово и Бикич Дол), Драґана Ненадич (Сримска Митривица) и Наташа Ґрунчич (Суботица).
Зоз Дружтва за руски язик, литературу и културу учасц вжали Ирина Папуґа и Владимир Салонски и зоз Основней школи у Руским Керестуре Михайло Фейди. Зоз средствох информованя на руским язику присуствовала Мария Афич („Руске слово”). Зоз схадзку руководзели Мелания Сабадош и Ирина Папуґа, за записнїчара вибрана Каролина Джуджар. Зоз минуту цихосци оддата почесц писательови Дюрови Папгаргайови (1936-2008). Разпатрани шлїдуюци

ДНЬОВИ ШОР:

Ад. 1. Зауваги на записнїк зоз схадзки Актива наставнїкох руского язика, отриманей 10. марца 2007. року и на Звит о образовних активносцох у 2007. року нє було понеже материял детально розробени и на час послани (састойна часц записнїку). И. Папуґа бешедовала о активносцох хтори ше у медзичаше збули и надпомла же наставнїцу Наташу Перкович-Шайтош, професорку руского язика хтора виклада школяром штреднїх школох у Новим Садзе (оправдано одсутну) заменює професор Александар Мудри. Предложене же би ше формовал стаємни форум у обласци руского язика зоз представителями у Горватскей, маюци у оглядзе же ше руски язик и там хаснує, а у настави го виклада наставнїца Мария Хома, професор руского язика.
Ад 2. Школске змаганє зоз рускога язика и язичней култури отримане у складзе зоз фаховим упутством о орґанизованю и календаром змаганя школярох основих школох Министерства просвити Републики Сербиї за 2007/2008. шк. рок (Просвитни преґлед, Беоґрад, 24-31.01.2008. рок, зоз допольнєньом, тиж у Просвитним преґледу, од 14.02.2008. року, 16. бок), зоз надпомнуцом же ше змаганє зоз руског язика и язичней културе пре менше число основних школох: три (3) зоз порядну наставу руского язика и вецей (коло 20) у хторих ше руски язик виучує як виборни предмет отримує лєм на двох уровньох – як школске и републичне. З тим у вязи Одбор за образованє Националного совиту рускей националней меншини принєсол Правилнїк о змаганю (состойна часц записнїку).
Школске змаганє отримане у Руским Керестуре, Коцуре, Дюрдьове, Новим Садзе, Вербаше, Кули, Новим Орахове, Ґосподїнцох, Шидзе, Бачинцох, Беркасове и Сримскей Митровици, а на републичне змаганє ше пласовали:

Основни школи:	класа:	число:	наставнїци-професоре руског язика:
I - Порядна настава руского язика:
1. ОШ „Петро Кузмяк”, Руски Керестур (Кула)	VIII	5	Ксения Варґа и Ксения Шовш
	VII	6
2. ОШ „Братство-єдинство”, Коцур (Вербас)	VIII	3	Снежана Шанта
	VII	3
3. ОШ „Йован Йованович Змай”, Дюрдьов (Жабель)	VIII	4	Мария Самарджич
	VII	3
II - Руски язик як виборни предмет - настава ше отримує у вецей школох, матични тоти:
1. ОШ „Доситей Обрадович”, Нови Сад	V-VI	3	Mелания Сабадош
	VII-VIII	4
2. ОШ „Йован Дучич”, Петроварадин	V-VI	4	Мария Бесерминї
	VII-VIII	4
3. ОШ „Светозар Милетич”, Вербас	V-VI	1	Славица Мали
	VII-VIII	4
4. ОШ „Петефи бриґада”, Кула	V-VI	1	Мария Стрибер

5. ОШ „Иса Баїч”, Кула	VII-VIII	1

6. ОШ „Чаки Лайош”, Бачка Тополя - Нове Орахово	V-VI	3	Сенка Славчев
7. ОШ „Жарко Зренянин”, Гоподїнци (Жабель)	V-VI	1	Наташа Макаї Мудрох
8. ОШ „Сримски фронт”, Шид, Беркасово	V-VI	2	Златица Сивч Здравич
9. ОШ „Бранко Радичевић”, Шид, Бачинци	VII-VIII	2
0. ОШ „Йован Попович”, Сримска Митровица	1V-VI	2	Драґана Ненадич
	VII-VIII	2	(податки прияти 7.04.2008)
В є д н о:		58	школяре

Ад 3. Републичне змаганє з руского язика и язичней култури заказане за 17. май 2008. року у Основней школи „Петро Кузмяк” у Руским Керестуре, алє надпомнуте же и того року, як и прешлого було вихабене зоз календара, но, после реаґованя членох Дружтва препущенє виправене.
Дискутоване о орґанизацийних питаньох змаганя: предложени орґанизацийни одбор и члени роботних целох змаганя (комисиї и поткомисиї), тести пририхта др Яков Кишюгас, а обчекує и ше менованє представителя Министерства просвити РС, усмено наявене же то будз як и прешлого року Драґана Ґлоґовац (материял состойна часц записнїку). Дати зауваги на випатрунок тестох: предложене же би технїчна форма, односно тести нє були на вельо паперох, як и же би нє були написани у курзиве, прето же їх школяре чежше читаю. Було слова и о припознаваню дипломох зоз змаганя, а надпомуте же би требало превериц кельо боди ноша дипломи. Тиж, ше треба интересовац у вязи зоз наградзованьом школярох и наставнїкох у општинох (з боку општинских управох за образованє, односно основних школох).
Спрам пропозицийох трошки за приход школярох на змаганє до Руского Керестура обезпечую школи, односно локална самоуправа у штредкох одкадз дзеци приходза.

Ад 4. Штернасте стретнуце руских школох ше планує 7. юния 2008. року (соботу) у Вербаше. О орґанизациї информовала Славица Мали и надпомла же програма облапи приход до ОШ „Светозар Милетич”, нащиву музейней збирки, нашей церкви и КПД „Карпати”у Вербаше дзе будзе виведзена театрална представа за дзеци. Предложене же би число учаснїкох було од 2-5 зоз школох, односно местох.. Поволанка ше пошлє, як и прешлого року и до Миклошевцох (домашнїм 12. стретнуца) и Петровцох (Република Горватска). Вимоги за средства отримованя стретнуца (конкурси) послани компетентним институцийом образованя, а тиж и Општини Вербас дзе ше планує и розгварка коло орґанизациї стретнуца.

Ад 5. Рижне:
- Розписани Литературни конкурс Мемориялного одбору проф. Гавриїла Г. Надя „Мацерински язик и родзени край”, хтори будзе тирвац до початку октобра 2008. року. Програма хтора ше отрима 17. априла 2008. року у ОШ у Коцуре будзе пошвецена 95-рочнїци од народзеня проф. Надя. Снежани Шанта дата кнїжка Триски зоз хторей буду читани стихи на програми. Тиж, ше отрима и промоция Зборнїка Дружтва Studia Ruthenica 12 (25), 2007.
- Резултати Литературно-подобового конкурсу о рускей басни „Штефан Чакан”, Нове Орахово, 2006/2007 буду обявени под час змаганя з руского язика у Руским Керестуре, а планує ше и орґанизованє вистави зоз Подобовей колониї Стевана Боднарова, як и формованє Подобовей секциї зоз меном Константина Петриґали у Основней школи и Ґимназиї у Руским Керестуре.
- Осма манифестация „Яр др Мафтея Виная” ше отрима 10. мая 2008. року у Суботици.

У Руским Керестуре, 10. априла 2008. року
Записнїчар: Каролина Джуджар